2014年1月2日 星期四

三代同堂去旅行@DAY 3 - 歌詩達郵輪『維多利亞號』設施篇

 


2013年 12月1日 (星期日)

DAY 3:  歌詩達郵輪『維多利亞號』

今日全日都會係郵輪上面,因為由新加坡開船去泰國布吉,要第三日早上才到,今日主要就係船上玩下,享用郵輪上的設施。今日就來個 『郵輪上設施特集』 啦﹗

先同大家介紹下歌詩達郵輪『維多利亞號』啦﹗佢總共有 12層,8-10樓係房間,設施主要集中係 5﹑6﹑7﹑11樓﹗唔好講話玩一日,就算玩 2-3日都未必玩得晒﹗

5/F: Main Lobby﹑information centre﹑2間主要餐廳都係呢層﹗Lobby 每個時段都有唔同嘅表演/ 活動﹗
6/F: GYM﹑水療中心﹑Squok Club兒童遊樂中心﹑劇院
7/F: 賭場﹑DUTY FREE商店
11/F: 餐廳﹑室外游泳池
12/F: 餐廳﹑電腦室﹑圖書館﹑藍球場


一早起身就去食早餐啦﹗heheh...又比人見到我一朝比個囡食 "啫喱"...

為食小丸子就叻啦﹗日日都氹到爺爺開心到飛起﹗

早餐以西式為主,cold cut﹑腸仔﹑煙肉﹑蛋 (烚蛋﹑炒蛋﹑煎蛋樣樣齊)﹑麵包﹑中式粉麵/ 飯﹑蒸包﹑果汁﹑蛋糕﹑啫喱﹗

都有粥呀﹗不過小朋友有咁多野食揀嘅時候,點會同你食粥吖﹗

粟米片﹑yogurt﹗


之前話晚餐無免費水供應,早餐時段係有嘅,除咗咖啡﹑茶,仲有果汁,都係免費供應嘅﹗

中式蒸點


食完早餐有爺爺陪睇海﹗



呀﹗都想講下 "暈船浪" 問題,我見大頭妹就ok,完全無反應,小丸子都ok,無話咩唔舒服,不過有時見佢行行下會跌倒,其實平時都會,上船好似多少少,有時見佢好似飲醉酒咁,我估佢有少少暈船海 (因為佢有時食飽坐車會嘔),不過唔算嚴重,亦無扭計﹗全家係得我一個食過 "暈海丸",我相信大家都唔洗擔心暈船浪問題,因為我平時係坐 15分鐘車以上都唔得嘅人﹗但就算我都只係上船第一晚,同第 2朝都有食暈浪丸,第 3日因為一早都落船,我就無食,之後 2日都唔洗食﹗

食完早餐我地週圍行下啦﹗


明明早上都幾好天,點知下午落雨﹗

heheh...大頭妹返房收到信呀﹗船上嘅 kids club - Squok club邀請佢今晚同船上其他小朋友一齊食晚餐呀﹗

阿旺一拖二同兩個囡去游水,我就返房休息一陣,可惜落雨太凍,佢地游咗都唔夠 30分鐘就返房啦﹗之後我地就轉移去室內嘅 gym room啦﹗


嘩哈哈,原來大頭妹學校有教佢地做早操架﹗佢仲教妹妹一齊做,笑到我反肚﹗

6/f 有 tour office,如果第 3﹑4日想 join tour,今日就要報名啦﹗

船嘅中亭位置會有不同嘅活動,呢個係佢地 pompei spa嘅 demo﹗落船前一晚,我同阿旺都有拍拖去 massage呀﹗


Squok club,可以比 3-12歲嘅小朋友入去玩,會有工作人員幫手照顧小朋友,每個 session是 2-3小時,咁父母就可以輕輕鬆鬆去做 gym/ spa/ 玩返 2手,不過大頭妹就話要爸爸陪佢一齊入喎﹗唔怪得啲人話女兒係爸爸嘅前世情人﹗

唔肯入 children's room,我地入去劇院行下啦﹗都有其他小朋友一齊玩,有 2兄妹因為妹妹未夠 3歲無得入 children's room,嘩,但佢高大頭妹成大半個頭,竟然未夠 3歲?﹗


又係時候食 LUNCH啦﹗

午/ 晚餐都會有餐包﹗

小丸子就發達啦﹗日日跟住我地食大人餐﹗食到春卷好味,唔食餐包添呀﹗

頭盤

湯: 一個忌廉湯,一個中湯﹗

酸辣湯,有少少 fusion feel﹗

大頭妹嘅兒童餐﹗每次食兒童餐嘅時候,我就覺得好抵,因為兒童係免費嘅,但個兒童餐就咁豐富﹗以後再 plan旅行,都會考慮郵輪之旅呀﹗

今日嘅麵類比較特別,有白汁千層海鮮麵。

仲有廈門炒米﹗因為船上都有好多中國籍廚師架﹗每餐以西餐為主,但都會有中﹑印﹑日菜式選擇,迎合唔同國籍人客嘅喜好﹗

又食...茄汁...

小丸子就醒,食千層麵﹗

食晒啲茄汁就餵爸爸食薯條...真係孝順啦...hehehehh﹗

燒雞扒配薯條

烤魚配薯條

哈哈哈,呢幾日有爺爺嫲嫲監督,大頭妹食多咗﹗

但點都比唔上肉丸子,我幫佢拍咗片,upload上 youtube 比大家睇下佢點樣連隻碟都食埋﹗

一不留神比大頭妹食晒成碟茄汁,我之後都唔敢再成碟放係佢面前...

今餐係雲哩拿雪糕﹗

老爺奶奶比較注重健康,佢地通常都係揀生果﹗wahaha...我就餐餐食雪糕,我返香港之後都無上過磅,唔知有冇肥到﹗

阿旺 special request咗杯 chocolate...之後比大頭妹搶咗﹗




食完晏,就到我去睇 cooking demo啦﹗仲有中﹑英﹑日﹑法食譜派架﹗

有靚仔意大利廚師教煮意大利麵﹗

仲有蛋糕師傅整 Tiramisu﹗


佢地係 6/F坐住睇﹗

忌廉龍蝦長通粉﹗




2隻囡終於沒電啦﹗我等咗好耐啦﹗佢地又做 GYM﹑又游水﹑之後又係劇院跳咗成 15分鐘...終於肯瞓下啦﹗

我就登記返張 credit card,咁之後就可以直接用 Costa卡消費啦﹗

如果大家想認識多啲 COSTA CRUISE,可以去佢地嘅網址睇下﹗佢地農曆新年會有香港出發嘅行線架﹗

三代同堂去旅行@DAY 2 - SANDS﹑牛車水﹑ 歌詩達郵輪『維多利亞號』
三代同堂去旅行@DAY 2 - 歌詩達郵輪『維多利亞號』- 上船 + 房間 +第一餐晚餐
三代同堂去旅行@DAY 3 - 歌詩達郵輪『維多利亞號』設施篇 
三代同堂去旅行@DAY 3 - 船長歡迎晚宴
三代同堂去旅行@DAY 4 - 布吉島
三代同堂去旅行@DAY 5 - 浮羅交怡

沒有留言:

張貼留言

Related Posts Plugin for WordPress, Blogger...