2014年1月17日 星期五

三代同堂去旅行@DAY 5 - 船上美食 + spa



離開浮羅交怡,上返郵輪就代表我地嘅旅程已經去到尾聲啦﹗真係好唔捨得我地今次咁 relax﹑咁舒服嘅假期﹗2個囡又好乖好合作,無咩扭計﹗最難得是可以同老爺奶奶一齊去,完成阿旺同爸爸媽媽一齊去旅行嘅心願﹗唔係賣花讚花香,郵輪假期真是好適合一家大細一齊去,因為住同食都安排好晒,去到唔同港口,又可以有自由活動嘅時間,完全乎合我又想自己話事去邊度玩,但又唔想煩 plan太多野嘅人﹗ 我同阿旺襯最後一日,仲放低咗 2個囡比老爺奶奶,自己去咗做 body massage,relax relax一下﹗


上船之後又食 lunch啦﹗

呢幾日小丸子都係自己食,日日都清晒個碟﹗(我拍咗 video)

係呢幾日假期,大頭妹都好乖咁自己大啖大啖食﹗

我真係要向郵輪嘅大廚請教下﹗上次攞咗張 recipe,返去要煮下先得﹗

嘩...呢個小朋友食完就開始 "搗亂" 啦﹗

千祈唔好摸我呀﹗我叫救命架﹗

heheheh...岩啦﹗叫嫲嫲幫你抹啦﹗

比媽咪收咗個碟﹗

 2個囡都係咁...比媽咪話完就搵爸爸求救﹗

之前都唔記得講,見到呢幅相就記得啦﹗郵輪上是有 wifi,佢有好多唔同 package提供,由 每分鐘計,去到 30小時都有,我地買了 3小時的 package,都足夠呢幾日嘅行程,餐廳/ lobby的接收是非常好,見到阿旺可以打手機 game就知啦﹗

繼續講我餐午餐﹗

炸芝士加火腿,依家見到都想食呀﹗



紅豆忌廉湯﹗

鮮蕃蘑菇長通粉

仲有中式炒麵

主菜有

烤雞配薯條

印度咖喱,船上嘅咖喱真係好好味﹗

吉列豬扒


hohoho...我今日叫咗 2份甜品,因為我好想食 fruit tart﹗

但又好想食雪糕﹗

我地今次全程都無試過 lunch buffet,所以叫咗阿旺去影返少少相﹗其實同 a la carte 差唔多,仲有多啲選擇,只是我地帶住 2個小朋友,同老人家唔想行來行去,日日都去 a la carte 個邊食 lunch囉﹗同埋...我地想食雪糕呀﹗







食完 lunch我地 2個想去做 massage,2個傻人...完全唔記得 book,好彩最後都 book到 8:00,可以食完 dinner再去。hehehe...放低咗 2個囡,又未有得食 body massage,我地決定四圍行下,拍下拖﹗

行到上 12/F,原來有 TEA食,仲要是 PIZZA,我地竟然最後一日先知,HEHEHE...雖然已經好飽,阿旺...竟然話點都要試下喎﹗



PIZZA好好味﹗有人食完一塊,又再去攞多 2塊...唔係岩岩食完 LUNCH咩?﹗我仲好飽喎﹗

HEHEH...不過女人幾時都食得落甜品,尤其是船上嘅甜品水準相當之高﹗



其實我見仲有日本拉麵食...不過真係食唔落啦﹗不過就要多一件朱古力蛋糕囉﹗

食完 TEA,我地又四圍行下﹗天氣麻麻,都唔係太多人游水﹗

原來仲有個藍球場﹗落住毛毛雨都仲有 2個小朋友打藍球﹗


12/F仲有電腦室﹗

同圖書館,我見真係有好多小朋友係度睇書﹗
去旅行都睇書...咁勤力嘅?﹗唔通真係不要輸咗起跑線?﹗

之後就接返 2個囡再去食 DINNER啦﹗

噚日跳過舞,大頭妹今日一坐低就好開心,佢問今日仲會唔會跳舞喎﹗





忽然間有蛋糕出場﹗



原來今日到行政總廚同客人見面打個招呼﹗


呢個炆牛肉好好味呀﹗


HEHEHE...小丸子好識食,叫我比牛牛佢食﹗(佢今日打完家姐再打我,比我地丟低一個一張床,我地瞓晒去另一張,之後佢唔知係唔係太驚,唔肯自己坐,一定要我抱住佢﹗搞到我有少少內疚)

連汁都唔放過﹗

嘩...用手指點完汁,又督自己塊面,我可唔可以唔同你坐呀﹗

HEHEHE...最後一晚,同呢幾日 SERVE我地嘅 WAITER影返幅相﹗佢嘅服務真係非常好呀﹗

今日嘅雪糕﹗朱古力 + 密瓜﹗

仲有另一位中國籍嘅侍應,方便同客人溝通﹗

食完飯...我同阿旺就去做 BODY MASSAGE啦﹗

HEHEHEH...我地有間 2人房﹗環境氣氛都唔錯﹗

阿旺已經急不及待瞓上床﹗

未開始就咁開心?﹗

WAHAHAHA...做完香薰按摩成頭都係油﹗不過真係好舒服﹗佢地係用 ELEMIS 架﹗咁就幾油都唔怕啦﹗返去洗完頭,好似焗咗油添呀﹗heheh...又係時候返去接囡啦﹗

如果大家想認識多啲 COSTA CRUISE,可以去佢地嘅網址睇下﹗佢地農曆新年會有香港出發嘅行線架﹗

三代同堂去旅行@DAY 2 - SANDS﹑牛車水﹑ 歌詩達郵輪『維多利亞號』
三代同堂去旅行@DAY 2 - 歌詩達郵輪『維多利亞號』- 上船 + 房間 +第一餐晚餐
三代同堂去旅行@DAY 3 - 歌詩達郵輪『維多利亞號』設施篇 
三代同堂去旅行@DAY 3 - 船長歡迎晚宴
三代同堂去旅行@DAY 4 - 布吉島
三代同堂去旅行@DAY 5 - 浮羅交怡

沒有留言:

張貼留言

Related Posts Plugin for WordPress, Blogger...