又是時候寫大頭妹 16個月的成長日誌啦 (又遲了2個星期啦)﹗今個月的體重唔清楚，屋企個磅壞咗﹗身高唔清楚﹗哈哈﹗好一個唔清唔楚的成長日誌﹗上個月學識行之後，今個月行得幾好啦﹗已經好少再爬啦﹗對腳即時靚晒，之前爬到對腳瘀晒﹗
飲食方面: 其實依家都好隨意比我地大人食的食物大頭妹食， 只是涼茶/ 蜜糖/ 花生果仁唔食得﹗佢應該未飲過可樂 (如果工人姐姐/ 奶奶無偷偷地比佢飲的話)﹗上次比咗少少益力多佢飲，開心到佢飲完都唔捨得扔個樽﹗一拎走佢個吉樽就喊﹗ 說話方面: 新學識的有 NIGHT NIGHT, BEAR BEAR (原來是指BELLY BUTTON), KIT KIT (HELLO KITTY真是毒害每一個少女), 始 (開始), GOGOGO, 無, 其實仲有好多古古怪怪的...
行為認知方面: 我一向都覺得大頭妹好乖﹗每日我地返屋出門口，佢都會好乖咁同我地BYE BYE好似好生性咁﹗但我地放工返去呢，佢返而會帶我地去門口，會講 “街街”， 叫我地帶佢去街，好似明白我地早上就唔會帶佢出去，夜晚就可以帶佢出街咁﹗最近仲識等我地門，通常都是我放工返屋企先，我返屋企之後，佢一定要我抱，如果 我直行直過，佢就會喊﹗之後我地係廳玩，佢一聽到門外面有聲呢，佢就會向住門叫 "PAPA"，下次要錄比阿旺睇，等佢"冷"街都"冷"得唔安落﹗成日丟低我地2個出去玩吖嗱﹗
佢最近又有一個得意的行為，就是扭計的時候，會自己行去一個可以依靠的地方 例如: 梳化，爬落去食手指，但又唔會哭鬧﹗
估下佢做咗咩？
佢扔咗個奶樽落地囉﹗
最近唔知點解好鍾意扔野落地﹗星期日又將我部iphone扔落地，比我打咗2下手仔，喊到收唔到聲，之後一定要我抱住 (應該都知自己naughty)，抱抱下就瞓咗啦﹗其實我打佢個2下就一定唔痛，都只是想比佢知咩係唔做得啫﹗
今個月岩岩是中秋節，撈埋中秋一齊寫，正日中秋節，得我地一家3口慶祝，食完飯本來想帶大頭妹去留下的中秋節晚會，點知原來個晚會是前一晚舉行，落到留下人影都無一隻，唯有改去太古城囉﹗
個貪靚豬，一照鏡就做 "靚靚" POST啦﹗
係商場放心比佢自己行﹗
一個BB拎住2個燈籠自己行﹗
HEHEHEH...媽媽好努力咁SHOPPING﹗
幾得戚﹗
佢仲同鏡後面得一個男人玩﹗(唔係阿旺，係另一邊)
其實我唔明點解佢會知鏡入面的人，其實是係佢後面？﹗原來BB咁聰明？﹗
沒有留言:
張貼留言