阿旺正日生日@OCEAN PARK

阿旺正日生日，終於都去得成海洋公園啦﹗上次我生日，都一樣請了假想去海洋公園 (生日免費嘛)，不過兩個懶人推來推去，又話唔去海洋公園，不如去香港公園，最後連鰂魚涌公園都去唔成﹗不過，今次有更大的原動力去，因為大頭妹識行啦嘛﹗一諗起佢係公園入面行下扭下PAT PAT，就好有動力要去啦﹗
有上次去迪欣湖的經驗，今次做足防晒準備啦﹗一早已經買了BB防晒 (行了很多間，周圍都無貨)，仲帶埋帽﹗真是OK喎，晒足全日，面仔手仔的皮膚都沒有紅﹗

一入門口就有一個好好人的職員哥哥主動幫我地影合照啦﹗抵讚﹗

第一站去睇魚，大頭妹好開心呢﹗佢平時去超市/ 酒樓，都好鍾意睇魚﹗
仲係呢度撞到BLOG友仔﹗


好得意...其實真是有少少想買﹗

海洋公園真是多了很多新設施，有個好大的水池，大頭妹都好鍾意﹗

第2站去睇熊貓，大頭妹未識睇﹗

反而比佢企上個講者台，佢就好開心﹗


之後就問始玩了機動啦﹗

去探盈盈樂樂，順便過冷河﹗


唔知是盈盈定樂樂呢？

有熊貓的叫聲聽﹗

好受較小的小朋友歡迎﹗

去兒童王國啦﹗想反映一下，車箱比較污糟，我都唔比大頭妹坐﹗
唔知會唔會有海洋公園的職員睇我個BLOG呢？﹗

坐MERRY-GO-ROUND，不過大頭妹太細，只可以坐卡位﹗

不斷都只是可以玩啲轉的機動，轉到我同阿旺頭都暈埋﹗


好專心咁睇風景﹗

是時候叉一叉電﹗

玩完一輪機動，要坐下睇下SHOW，休息一下啦﹗

點解我咁嘅樣？﹗

因為我一心睇真的海獅，點知出場的是威威司令﹗

好在大頭妹好鍾意﹗

睇完仲有得合照﹗

大頭妹夠時間食奶啦﹗阿旺都要過冷河，所以我地去了大熊貓餐廳﹗
有冷氣的，貴小食亭好多﹗這個下午茶SET，$78﹗

點知一坐低，大頭妹就瞓咗啦﹗

之前比阿旺笑得，話個場點會有真海獅睇﹗點知又真是有真海獅睇喎﹗哼﹗

大頭妹都睇得好專心﹗

是日欖車暫停，比個機會我地坐海洋號列車上山去另一邊﹗

開始攰啦﹗唔肯自己行啦﹗

生日入場仲有小食8折COUPON，
阿旺買了燒魷魚，OK抵喎，海洋公園價都只是 $28﹗

仲有一杯冰 $32﹗

金鐘地鐡站口的車仔檔買的，$10﹗
仲大大隻字寫住園內賣 $22﹗

阿旺今次帶了很多零食比大頭妹，
有: 蛋糕仔1個﹑芝士2粒﹑長餅1包﹑蛋餅2包﹗
最後食剩一包蛋餅咋﹗

休息完，再去睇SHOW﹗今次睇海豚SHOW﹗

唔知大頭妹識唔識睇﹗佢好似是見到有雀仔飛過，所以拍手﹗

最後海豚BYE BYE，大頭妹都同佢地BYE BYE﹗

其實好耐都無睇過呢個SHOW啦﹗

差不多6:00，仲有水母館同中華鱘館未去，去了後者，因為之前未去過﹗
不過應該水母館會多啲野睇﹗

最後睇埋佢個完場SHOW﹗

好精彩呢﹗

今日是舊票價的最後一日，仲是$250， 我個工人姐姐教我地去金鐘MTR買，$222一張飛，平$28﹗不過由 9月1日開始，其實生日的一個免費，仲可以以半價買多一張飛，新價是$280，半價即是$140﹗仲抵﹗HEHEHEH...下年生日再去過﹗不過我同阿 旺的生日都是大熱天，都真是幾辛苦﹗我今次仲好勇敢，無帶車仔，全程手抱/ 拖住行﹗好似做了一整日苦力咁﹗HEHEHEH...不過苦得好開心﹗