上星期日，比阿妹疲勞轟炸了好幾個星期，終於都整咗金菇牛肉卷比佢食﹗其實金菇牛肉卷唔難整﹗不過因為我的整法是先煮金菇，然後再包，好似好多工序咁﹗今次比我地發現，原來我屋企留下間百佳，有平肥牛賣﹗阿旺話好味過吉之島的貴肥牛…咁係好消息定壞消息呢？﹗我以後咪唔可以再話買唔一到肥牛，所以無得整金菇牛肉卷囉？﹗
金菇牛肉卷食譜
之後星期二，明明叫阿旺叫工人姐姐蒸魚，點知佢竟然話要食雪櫃醃好的豬扒先﹗話怕變壞喎﹗放咗入冰格，點會咁易壞呀﹗啲豬扒留返 “救命” 的時候食嘛﹗例如: 工人姐姐放假，媽咪又唔過嚟的時候﹗不過其實係因為我自己想食茄汁豬扒，如果就咁煎的話，工人姐姐煮就可以啦﹗今次醃豬扒是根據阿旺的口味去醃，勁薑蔥﹗佢一食就勁讚﹗連續講咗3次 “好好味”，好似人地做飲食節目咁慢慢講解有幾好味﹗佢話首先豬扒是梅頭位，醃得夠入味，啲茄汁唔多唔少咁包住啲豬扒﹗比佢講到我都 “飄飄然”﹗
茄汁豬扒食譜
媽媽出品，必屬佳品﹗
蒸魚
工人姐姐煮的，都好好味﹗翠玉瓜好味過節瓜﹗
沒有留言:
張貼留言