2014年7月30日 星期三

大頭妹小丸子探堂妹

2014年 7月27日 (星期日)

上星期日去探剛出生的堂妹,2個堂妹都好多頭髮,真是好羨慕﹗點解我 2個囡都無頭髮架?﹗小丸子因為頭髮少,但人又生得高大,又多野講,所有成日都會比人問我佢幾大﹗
 
可憐的大頭妹,坐在 2個 2歲的小朋友身邊,竟然...細粒過佢地,真是 "陰公" 囉﹗最近仲自己戒奶,成日自己唔飲,就靜雞雞叫阿妹幫佢飲埋,我都是最近先知,原來阿妹日日下午都飲 1支半,夜晚又飲 1支半﹗即一日飲 5支奶?﹗但又唔想幫大頭妹戒奶,依家已經咁瘦,再戒埋奶都唔知點算﹗

話佢做姐姐啦﹗小丸子好開心﹗我同爸爸抱 bb,佢都無呷醋﹗

小丸子...點解你大得咁快?﹗已經唔係 baby啦﹗

好耐都無抱過 baby啦﹗真是好可愛呢﹗

因為下午去游水,所以無化妝...唔記得自己要影相...

探完堂妹返去婆婆屋企飲茶﹗

食飽飽就去游水啦﹗小丸子又有新泳衣啦﹗其實本來買比大頭妹,不過...太大...大頭妹唔岩著﹗

sexy baby﹗仲 sexy 過我件泳衣﹗

游完水又去樓下街市食晚飯,開到 8月11日咋﹗以後都無得食啦﹗唉...地產霸權下,小店真是無得生存﹗

大家 like咗我地個 facebook page未呀?未 like的就快啲 like啦﹗多謝支持﹗
https://badge.facebook.com/badge/113329742036313.785.26172045.png

6 則留言:

  1. 我都好羨慕人地D 小朋友咁多頭髮, 而自己O個個就咁小。但一到summer, 就覺得小頭髮真係唔錯架, 冇咁熱同辛苦!

    回覆刪除
  2. 嗚嗚嗚...咁我寧願熱啲...無辦法...我同阿旺都少頭髮...佢地又點會多?﹗

    回覆刪除
  3. 其實真係好可惜 香港無咩小店 最恐怖係同一條街有3間sasa 唉

    回覆刪除
  4. 小丸子著泳衣大露背都不及後面阿旺鐘眼訓搶鏡, 哈哈

    回覆刪除
    回覆
    1. 佢...佢最近 "燃燒" 自己生命...星期六又要返工,星期日又做義工...有時間又唔去瞓,走去打機,到叫佢陪囡游水...佢終於肯瞓架...

      刪除

Related Posts Plugin for WordPress, Blogger...